Tlâo mlan akŏ thŭn 2026, klei đĭ kyar čar Daklak hlăm brô 7,5%, hŏng ênoh prăk duh bi liê kơ kluôm yang ƀuôn jing êbeh 12.200 êklai prăk, mâo ba wĭt ngăn prăk kơ knŭk kna êbeh 5.000 êklai prăk. Ti anôk bi kƀĭn, phung bi ala mđing hlak mblang dŭm klei adôk awăt, akâo lŏ mâo klei bhiăn kjăp hlăm hdră êlan mă bruă, lehanăn ruh mgaih kjăp dŭm klei awăt hlăm bruă knuă. Lehanăn akâo bi mâo dŭm hdră êlan mă bruă kjăp hĭn. Dŭm klei blŭ hlăm anôk bi kƀĭn anei akâo kơ gưl dlông mtrŭn klei čuăn klă kơ bruă djă yua lăn ala, ruh mghaih dŭm mta bruă adôk ka leh, čoh čuăn klă mngač ênoh prăk bi liê kơ wưng thŭn 2026–2030; lehanăn bi leh bruă mkŏ mjing êpul khua kiă kriê, klei ngă bruă hlăm nah gŭ.

Êpul phung bi al abruă kƀĭn ala čar Daklak brei thâo. Akâo kơ klei bhiăn mă bruă, hdră êlan ruh mgaih klei dleh dlan, lŏ mjing boh kdrŭt klei mđĭ kyar duh mkra pral, lehanăn kjăp. Êpul phung bi ala srăng bi klin jih jang klei blŭ, lehanăn ba mdah ti anôk bi kƀĭn bruă kƀĭn ala lehanăn kơ gưl dlông pioh lŏ bi leh klei bhiăn, ruh mgiah jih klei gun kpăk, lehanăn mjing hdră êlan mă bruă djŏ kơ bruă mđĭ kyar gưl mrâo./.