Ti knăm trŭn kơ bruă, Êpul kiă kriê ala čar kơ bruă tui duah, kuai ba wĭt klang kleh mâo leh ênoh čoh čuăn truh 500 hrue mlam tui duah, kuai ba wĭt truh 7 êbâo čô êngiă asei lehanăn bi klă anăn phung êngiă asei truh 18.000 čô. Bruă anei kčưm mă bruă mơ̆ng hrue 5/3/2026 truh hrue 27/7/2027.

Blŭ hrăm hlăm knăm mtrŭt mjhar, K’iăng khua knŭk kna Phạm Thị Thanh Trà mtă kơ dŭm phŭn dhar bruă, alŭ wăl ngă bruă bi kjăp, djăp ênŭm kơ klei đua klam, hlăm anăn mđing kơ dŭm bruă phŭn, lehanăn yap anei jing bruă kđi čar  yuôm bhăn, bi mkŏ mjing klei bhiăn kăp ksiêm, kơ hdră mă bruă bi klă, ba yua klei kreh knhâo, kdrăp mrâo, mđĭ hĭn bruă klam mơ̆ng dŭm êpul bruă, mbĭt hŏng jih jang yang ƀuôn; mâo klei bi hgŭm hŏng ala tač êngao, boh nik jing dŭm ala čar riêng gah Lào lehanăn Campuchia.