Aguah 7/4, Knơ̆ng bruă mđing hmư̆ klei čiăng mnuih ƀuôn sang  leh anăn ktuê dlăng mơ̆ng Bruă kƀĭn ala mkŏ mjing klei bi kƀĭn kluôm tal sa. Blŭ hrăm ti anôk bi kƀĭn, K’iăng  Khua bruă kƀĭn ala Nguyễn Doãn Anh hơêč hmưi kơ Knơ̆ng bruă mđing hmư̆ klei čiăng mnuih ƀuôn sang leh anăn ksiêm dlăng mơ̆ng Bruă kƀĭn ala gưl XVI dưi bi leh hŏng 35 čô, mbĭt anăn bi mni kơ bruă mjêč mkŏ mjing hdră mă bruă čiăng pŏk ngă bruă klam phŭn thŭn 2026.

Mñă klă klei čiăng mlih mrâo, mđĭ boh tŭ dưn ksiêm dlăng, K’iăng  Khua bruă kƀĭn ala Nguyễn Doãn Anh lač bruă ngă anei srăng tlă anăp hŏng lu klei lông dlăng, brei mlih mrâo hdră, boh phŭn čiăng hlue ngă boh sĭt.  Bruă ksiêm dlăng brei păn kjăp Hdră mtrŭn Klei bi kƀĭn XIV mơ̆ng Đảng, dŭm hdră  bruă mơ̆ng gưl dlông leh anăn Phŭn bruă kđi čar, ăt msĕ mơh hdră tă hlăm klei blŭ hrăm gĭt gai mơ̆ng Khua gĭt gai Đảng hlăm klei bi kƀĭn tal êlâo mơ̆ng Bruă kƀĭn ala gưl XVI. Thŭn 2026, Knơ̆ng bruă srăng đru kčĕ mkŏ mjing hdră bruă yuôm bhăn kñăm mđĭ boh tŭ ksiêm dlăng.