Hlue si klei hâo hưn mơ̆ng Knơ̆ng bruă lŏ hma leh anăn wăl hdĭp mda čar Lâm Đồng brei ƀuh, mơ̆ng akŏ thŭn truh ară anei ênoh mnơ̆ng dhơ̆ng hbâo pruê, êa drao krih kơ ana pla mjing đĭ leh kah knar hlăm brô 10%, hjăn hbâo pruê đĭ hlăm brô 17%. Đăo knăl mơ̆ng ară anei truh knhal jih thŭn, ênoh bi liê hlăm bruă mkra mjing lŏ hma srăng đĭ mơ̆ng 3-5%, mâo mnơ̆ng đĭ truh 10%.

Wăt tơdah ênoh bi liê đĭ, bruă lŏ hma, dliê kmrơ̆ng, kan hdang čar Lâm Đồng ăt mđĭ lar hơĭt kjăp, mâo 5,39% hlăm gưl 1 thŭn anei. Bruă lŏ hma leh anăn Wăl hdĭp mda srăng lŏ dơ̆ng pŏk ngă hdră msir djŏ guôp kñăm đru kơ ƀĭng lŏ hma. Hlăm anăn ară anei mđing hĭn kơ klei hơĭt ênoh bi liê mkra mjing, pral pŏk ngă hdră msir bi hrŏ ênoh bi liê, kriê dlăng kjăp mnơ̆ng dhơ̆ng leh anăn ktrâo lač kơ mnuih ƀuôn sang bi mlih, mkra mlih hdră mkra mjing bi djŏ guôp.