Klei bi kƀĭn ksiêm dlăng hdră ngă bruă pŏk ngă Klei klah čŭn mrô 18-KL/TW kơ klei mđĭ kyar bruă duh mkra - ala ƀuôn, ngăn prăk knŭk kna, hŏng hnơ̆ng ruh mgaih klei gun kpăk hlăm dŭm hdră bruă kpăk đuôm. Mñă klă anei jing klei bi kƀĭn tal êlâo leh bi leh Knŭk kna wưng 2026–2031, Khua knŭk kna Lê Minh Hưng mtă kơ phung hlăm êpul mjêč ngă bruă hlăm boh klei bruă klam mjêč, sui.

Mơ̆ng klei ksiêm dlăng, ară anei kluôm ala adôk hlăm brô 1.500 hdră bruă dôk tuôm hŏng klei dleh dlan, gun kpăk. Khua knŭk kna jao kơ Adŭ bruă Knŭk kna leh anăn Phŭn bruă ngăn prăk gĭt gai, bi hgŭm hŏng dŭm phŭn, dhar bruă, alŭ wăl, ti gŭ klei gĭt gai mơ̆ng K’iăng Khua knŭk kna Nguyễn Văn Thắng, bi leh hưn mdah hŏng gưl mâo klei dưi, mbĭt anăn kčĕ pŏk mlar hnơ̆ng msir mgaih kñăm ba yua klei găl, ñĕ kơ klei luč liê mang ngăn drăp knŭk kna, anôk bruă duh mkra leh anăn mnuih ƀuôn sang.