Bi êdah 12 êpul bruă čuăn, hdră mă bruă hlăm wưng tinăp, Khua knŭk kna Lê Minh Hưng mtă brei bi sa hnơ̆ng ai tiê klei mĭn, lehanăn hdră êlan mă bruă pioh mđĭ kyar bruă duh mkra mâo dua mrô, hlăm anăn mđing êdi kơ mnuih mă bruă, ktưn kñăm bi mâo hrui wĭt kơ knŭk kna đĭ 10%; mâo mkiêt mkriêm êbeh 10% ênoh bi liê yăng đar, lehanăn ruh mgaih bi jih hŏng klei pral jih jang klei gun kpăk kơ lăn ala, kơ pui kmlă yap mơ̆ng hrue tal êlâo păn bruă knŭk kna mrâo.

Hlăm mlan 4 bi leh bruă ksiêm dlăng, thiăm mbŏ dŭm mta kñăm klei đĭ kyar hlăm dŭm mta bruă tui si alŭ wăl, êpul grŭp, phung duh mkra knŭk kna thŭn 2026 lehanăn wưng thŭn 2026 - 2030. Khua knŭk kna lač klă, hlăm thŭn 2026 srăng ksiêm wĭt jih jang bruă hdră bhiăn Việt Nam hlăm ênuk gưl mrâo, bi leh klei bhiăn mă bruă, mâo hdră êlan djŏ hŏng găp alŭ wăl, lehanăn mâo ba yua hlăm kluôm ala./.