Gia Lai mđĭ ktang bi hgŭm bi liê hlăm Thŭn hiu čhưn ênguê ala čar 2026
Thứ sáu, 09:51, 10/04/2026
VOV TAYNGUYEN
VOV TAYNGUYEN
VOV.Êđê-Tlam 9/4, ti Hà Nội, hlăm jar Knăm mơak rang mdah mnơ̆ng dhơ̆ng hiu čhưn ênguê lu ala čar Việt Nam – VITM 2026, čar Gia Lai bi hgŭm hŏng Êpul hgŭm hiu čhưn ênguê Việt Nam mkŏ mjing Klei bi kƀĭn mtrŭt mjhar hiu čhưn ênguê, iêô jak klei mđing uêñ mơ̆ng lu anôk bruă duh mkra, phung bi liê leh anăn dŭm anôk bruă tue hiu čhưn.
Bruă Gia Lai mkŏ mjing thŭn hiu čhưn ênguê ala čar 2026 dôk mjing klei hăl kơ bruă hiu čhưn ênguê êdah kdlưn, pŏk klei găl hưn mdah rup leh anăn iêô jak tue hiu čhưn. Hŏng akŏ “Dap kngư truh kơ êa ksĭ mtah” Gia Lai dôk mđing mkŏ mjing sa wăl hiu čhưn ênguê bi hgŭm dap kngư leh anăn ktuê hang ksĭ, plah wah dliê kmrơ̆ng liă lia hŏng ênoh yuôm dhar kreh jăk siam.
Dŭm anôk bruă duh mkra hiu čhưn ênguê bi mni kơ klei găl Gia Lai, boh nik dŭm mta mnơ̆ng dhơ̆ng hiu čhưn ênguê jăk siam, dhar kreh leh anăn hiu čhưn dlăng. Khădah snăn, čiăng ba yua tŭ dưn, brei mâo klei bi hgŭm kjăp hĭn plah wah alŭ wăl, anôk bruă duh mkra leh anăn dŭm êpul bruă knuă.
Viết bình luận