Blŭ bi ruê̆ klei bi kƀĭn, Khua gĭt gai Đảng Tô Lâm hưn mdah klah čŭn kơ boh tŭ dưn leh anăn dŭm mta phŭn bruă knuă čiăng ngă mơ̆ng ară anei truh kơ Klei kƀĭn trông gưl dlông gưl 15 leh anăn Klei kƀĭn kluôm phung bi ala kluôm ala tal 14 mơ̆ng Đảng.

Mbĭt anăn mñă ktang, Êpul khua gĭt gai Đảng gưl dlông bi trông hŏng klei êngiê, klă mngač hŏng klei bi tŭ ư hưn mdah nao hgŭm Phŭn bruă kđi čar, Êpul khua bruă Đảng gưl 14. Êpul khua bruă Đảng gưl dlông jao kơ Phŭn bruă kđi čar leh anăn dŭm êpul bruă mnuih mă bruă klei kƀĭn kluôm tal 14 mơ̆ng Đảng lŏ dơ̆ng ksiêm dlăng, bi mbŏ, bi kluôm dŭm hdră êlan mnuih mă bruă djŏ hŏng hdră ngă bruă mơ̆ng Êpul khua gĭt gai Đảng gưl dlông gưl 14 leh anăn hdră ngă bruă mnuih mă bruă čiăng hưn mdah hŏng Êpul khua gĭt gai Đảng gưl dlông ksiêm dlăng bi klă hlăm klei kƀĭn trông gưl dlông tal 15 anăp anei. Hlăm wưng kơ anăp, Khua gĭt gai Đảng Tô Lâm mñă brei kñăm kriê dlăng, mkŏ mjing gru hmô Bruă sang čư̆ êa alŭ wăl dua gưl ngă bruă tŭ dưn.