Lŏ dơ̆ng hlăm hdră klei kƀĭn tal 29, hruê 9/1, Dhar bruă gĭt gai bruă Bruă kƀĭn ala brei klei blŭ kơ bruă mđing hmư̆, hlăk mblang, mkra mlih 2 hdră bhiăn yuôm bhăn leh anăn bi ruê̆ klei kƀĭn. Anăn jing Klei bhiăn djă yua lăn (mkra mlih) leh anăn Hdră bhiăn dŭm êpul bruă ngăn prăk (mkra mlih). Hdră bhiăn djă yua lăn ( mkra mlih) leh dưi mđing hmư̆, mkra mlih mâo 16 kdrêč leh anăn 260 mta. Mkă hŏng hdră bhiăn ba mda hŏng Dhar bruă gĭt gai bruă kƀĭn ala hlăm klei kƀĭn ti krah dua gưl mơ̆ng Klei kƀĭn tal 6, hdră bhiăn lui leh 5 mta, bi kluôm, mkra mlih 250 mta.

Bi ruê̆ klei kƀĭn tal 29, Khua bruă kƀĭn ala Vương Đình Huệ mñă kơ dŭm Dhar bruă mơ̆ng Bruă kƀĭn ala, dŭm anôk bruă djŏ tuôm lŏ dơ̆ng mkăp mmông mđing hmư̆, mkra mlih Hdră bhiăn djă yua lăn (mkra mlih), hdră bhiăn Dŭm êpul bruă ngăn prăk (mkra mlih), hdră mtrŭn kơ đa đa hdră êlan mdê hĭn čiăng ruh mgaih klei dleh dlan, kpăk gun, mtrŭt hluê ngă bi pral dŭm hdră kñăm ala čar leh anăn dŭm mta phŭn yuôm bhăn mkăn mprăp kơ klei kƀĭn êngao hdră gưl tal 5, Bruă kƀĭn ala 15, mphŭn pŏk ti hruê 15/1 kơ anăp.