Leh 2 hruê mkrah mă bruă mjêč, ênuah ênô leh anăn bruă klam, aguah mbruê 17/5 ti anôk bruă Đảng gưl dlông, Klei kƀĭn trông krah wưng păn bruă mơ̆ng Êpul khua bruă Đảng gưl dlông gưl 13 kƀĭn bi ruê̆. Khua gĭt gai Đảng Nguyễn Phú Trọng gĭt gai leh anăn mâo klei blŭ yuôm bhăn bi ruê̆ klei kƀĭn trông. Ksiêm wĭt boh tŭ mơ̆ng akŏ wưng păn bruă truh kơ ară anei, Khua gĭt gai Đảng Nguyễn Phú Trọng brei thâo, drei dưi ngă tŭ jing dŭm mta kñăm, bruă klam: Knăm gang mkhư̆, ksiêm dlăng klei ruă tưp leh anăn mtrŭt mđĭ klei krŭ wĭt leh anăn mđĭ kyar bruă duh mkra ala ƀuôn, mkŏ mjing bruă duh mkra êngiê, čŏng pô, hur har ñu kma hŏng tar rŏng lăn êlam leh anăn tŭ dưn.

Mơ̆ng klă sĭt klei gĭt gai hlăm mkrah wưng păn bruă  gưl 13 mrâo êgao, Khua gĭt gai Đảng Nguyễn Phú Trọng ktrâo klă, 5 klei hriăm kơ bruă mlih mrâo hdră gĭt gai leh anăn knhuah hdĭp, êlan mă bruă, hlăm anăn kñăm mđing tal êlâo kơ klei ngă bruă hrăm mbĭt leh anăn mâo hnơ̆ng tŭ jăk klei bhiăn ala čar, dŭm klei čuăn, hdră bhiăn, hdră ngă bruă, čiăng ngă jăk, sa ai hlăm kluôm Đảng leh anăn bruă kđi čar. Bơ̆k bâo kơ hdră tă bruă klam mơ̆ng ară anei truh kơ jih wưng păn bruă klei kƀĭn kluôm tal 13, Khua gĭt gai Đảng Nguyễn Phú Trọng mñă klă, kñăm mđing tal êlâo hluê ngă jăk 5 bruă klam, boh nik mđing mtrŭt mđĭ leh anăn ngă jăk hĭn bruă mkŏ mjing, ƀư̆ mkra hlăm Đảng leh anăn bruă kđi čar klă klơ̆ng ênuah ênô, kjăp ktang.