Bi trông bruă mđĭ kyar đảng viên hlăm dŭm anôk duh mkra êngao knŭk kna ti alŭ wăl kwar krah – lăn dap kngư
Thứ bảy, 09:25, 20/05/2023
VOV Tây Nguyên
VOV Tây Nguyên
VOV4.Êđê- Tlam mbrue (19/5), ti ƀuôn prŏng Quy Nhơn, čar Bình Định, Êpul mkŏ mjing gưl dlông bi mguôp leh hŏng bruă Đảng čar Bình Định mkŏ mjing klei trông čhai kơ bruă bi mŭt đảng hlăm anôk bruă duh mkra êngao knŭk kna hlăm alŭ wăl kwar krah – lăn dap kngư.
Trương Thị Mai, Khua êpul bruă mkŏ mjing gưl dlông kiă kriê, gĭt gai klei bi trông. Mơ̆ng thŭn 2020 truh kơ thŭn 2022, 16 boh čar, ƀuôn prŏng ti kwar krah – lăn dap kngư mâo bi mŭt leh truh 2.363 čô đảng viên hlăm anôk bruă duh mkra êngao knŭk kna, ênoh mâo mŭt hlăm đảng đĭ nanao hlue thŭn.
Blŭ hrăm ti anôk bi trông, Trương Thị Mai lač, klei mđĭ kyar đảng viên hlăm anôk bruă duh mkra êngao knŭk kna mâo mkŏ mjing mơ̆ng sui leh, ƀiădah truh kơ ară anei ăt adôk dleh dlan. Ñu mtă, hlăm wưng kơ anăp, dŭm boh čar lŏ mjing djăp klei găl čiăng kơ phung duh mkra êngao knŭk kna dưi mđĭ kyar đảng, ksiêm dlăng ksiêk mbha tui duah mnuih mâo klei năng dưi bi mŭt hlăm đảng bi djŏ guôp./.
Viết bình luận