Nao hlăm hdră mâo phung bi ala Êpul hgŭm hdră kčah mđĭ kyar ƀuôn prŏng. Êpul hgŭm phung čih mkra hdră rŭ mdơ̆ng Việt Nam hŏng lu phung thơ̆ng kơ bruă hlăm ala čar leh anăn ala tač êngao. Hlue anăn, hnơ̆ng prŏng ksiêm hriăm mâo kluôm ƀuôn prŏng Đà Lạt leh anăn dŭm kdriêk Lạc Dương, Đơn Dương, Đức Trọng leh anăn sa kdrêč kdriêk Lâm Hà, pŏk mlar hlue si hdră mơ̆ng 850m kơ dlông mkă hŏng hnơ̆ng êa ksĭ; ênhă bi knông hdră kčah đĭ truh 336 êbâo ha, lu hĭn 10 blư̆ mkă hŏng ênhă Đà Lạt ară anei.

Hlue si Pô čih mkra hdră rŭ mdơ̆ng Trần Ngọc Chính, Khua Êpul hgŭm hdră kčah mđĭ kyar ƀuôn prŏng Việt Nam, čiăng kriê pioh klei mdê hjăn Đà Lạt hlue thŭn mlan, mđing kơ hnơ̆ng kčah mđĭ kyar mtah leh anăn mdrơ̆ng hŏng klei bi mlih yan adiê, čiăng snăk tă hdră sui, mâo klei bhiăn hdră êlan mdê hjăn kơh dưi ngă tŭ jing klei mĭn čuăl mkă mbĭt ƀuôn prŏng Đà Lạt leh anăn krĭng riêng gah truh thŭn 2045 leh Khua knŭk kna bi mklă./.