VOV4.Êđê - Bi hdơr 110 thŭn hrue kkiêng kơ Nguyễn Văn Cừ (9/7/1912 – 9/7/2022) tlam mbrue (8/7), ti Bắc Ninh, sang hră bruă kđi čar ala čar Hồ Chí Minh hgŭm leh hŏng Anôk bruă kiă kriê klei hâo hưn gưl dlông, lehanăn bruă Đảng čar Bắc Ninh mkŏ mjing leh klei bi trông kreh knhâo: “khua gĭt gai Đảng Nguyễn Văn Cừ - Pô kiă kriê kdlưn êdi kơ Đảng lehanăn cách mạng Việt Nam, jing mnuih kdlưn hĭn mơ̆ng ƀuôn sang Bắc Ninh”. Ñu amĭ kkiêng hlăm sa găp djuê thâo hră mơar, ƀun ƀin ti să Phù Khê, kdriêk Từ Sơn, čar Bắc Ninh, anei jing wăl krah Từ Sơn čar Bắc Ninh. Jih jang bruă ñu nga êjai dôk hdĭp jing leh sa klei bi hmô jăk mơ̆ng mnuih Cộng sản, jing khua gĭt gai Đảng hlăk mlan 3/1938. Hŏng 29 thŭn hdĭp mda, êbeh 13 thŭn ngă cách mạng, 7 thŭn tuôm hŏng klei phung roh krư̆, êbeh 2 thŭn ngă khua gĭt gai Đảng, ñu mâo leh bruă duh myơr prŏng prĭn kơ cách mạng Đảng, lehanăn kơ djuê ana./.

Y-Khem pô mblang