Phung khua kiă kriê dua boh čar Đắk Nông, Lâm Đồng bi tŭ ư leh mkra mđĭ êlan dơ̆ng prŏng mrô 28 kdrêč Gia Nghĩa – Đắk Som – Di Linh hŏng boh taih hlăm brô 104km. Anei jing êlan phŭn mkŏ hŏng êlan dơ̆ng prŏng mrô 14 hŏng êlan dơ̆ng prŏng mrô 20, pioh kơ klei mđĭ kyar bruă duh mkra hlăm alŭ wăl.

Dua boh čar ăt bi tŭ ư pŏk êlan mrâo mơ̆ng Gia Nghĩa (Đắk Nông) truh kơ Bảo Lâm (Lâm Đồng), čiăng bi hrŏ wang êlan adôk hlăm brô 25km, mbha êlan bi găn êrô lu đei mơ̆ng êlan mrô 28, lehanăn mkŏ anôk tuh tia mkra mjing bô xít Tân Rai lehanăn Nhân Cơ – dua mta bruă prŏng hlăm alŭ wăl. Dŭm čar bi čuăl mkă leh êlan amra mkra mkŏ hŏng êlan dơ̆ng pral ɃP. Phan Thiết (Bình Thuận) – ɃP. Đà Lạt (Lâm Đồng) – ɃP. Gia Nghĩa (Đắk Nông) mơ̆ng anăn duah hdră rŭ mkra čiăng kơ êlan găn nao jing giăm hĭn, lehanăn mkiêt mkriêm hĭn./.