Hdră anei lŏ mda wĭt dŭm wưng hƀuê ênuk kdrưh kơăm mơ̆ng djuê ana drei, mñă kơhưm prŏng mơ̆ng Hdră mblah tŭ dưi yan mnga thŭn 1975, mâo klei nao hgŭm mơ̆ng êbeh 1.000 čô kdŏ mmuñ hŏng anôk rang mdah êbeh 3000m2.

 Dăl hlăm hdră anei jing dŭm klei yăl dliê, asăp mmuñ dưi bi êdah klă hŏng dŭm klei mmuñ klă anăp, bi mklă klei gĭt gai djŏ klă mơ̆ng Đảng, Khua gĭt gai Hồ Chí Minh, ai tiê kdơ̆ng mblah jhŏng ktang, dŭm hdră mblah tŭ dưi kdrưh kơăm mơ̆ng lĭng kahan lehanăn mnuih ƀuôn sang drei, đru bi mklă pŏk rup “Lĭng kahan Awa Hô” hlăm Hdră mblah Hồ Chí Minh hƀuê ênuk, mđĭ lar knhuah gru Lĭng kahan yang ƀuôn Việt Nam jhŏng ktang hlăm hdră mkŏ mkra, răng mgang ala čar, đru lăn čar drei đĭ kyar, mŭt hlăm wưng mrâo. Hluê hdră anei, sa blư̆ dơ̆ng mñă klă klei mĭn, kơhưm, boh tŭ yuôm hƀuê ênuk mơ̆ng Hdră mblah tŭ dưi yan mnga thŭn 1975, ai ktang bi hgŭm mguôp jih jang djuê ana, klei čang hmăng êđăp ênang, hnŭk êngiê djuê ana lehanăn hluh lir lăn čar./.