Dua hdră bhiăn mâo klei mđing uêñ lu hĭn mơ̆ng phung bi ala jing Hdră bhiăn mkŏ mjing bruă sang čư̆ êa alŭ wăl (mkra mlih) leh anăn Hdră bhiăn sang hră mơar.

Bi mguôp klei blŭ kơ hdră bhiăn sang hră mơar, aduôn Lê Thị Kim Oanh, k’iăng khua knơ̆ng bruă sang hdră mơar čar Dak Lak lač: dŭm hdră êlan đru mrâo, boh nik jing hŏng phung nai mtô hđeh điêt, msĕ si brei mđei êlâo kơ jih thŭn mă bruă hnưm 5 thŭn mkă hŏng thŭn mdei bruă, đru anôk dôk, kriê dlăng klei suaih pral, mtô mjuăt srăng djŏ guôp hŏng boh sĭt mơ̆ng alŭ wăl, mkŏ mjing boh kdrŭt kơ phung nai mtô mâo klei hơĭt  mă bruă knuă. Kyuanăn rơ̆ng kơ ênoh đru jing hdră čiăng kơ yang ƀuôn čih yap leh anăn bi hdơr kơ dŭm klei đru mguôp mơ̆ng phung nai leh anăn mtrŭt mjhar phung nai rơ̆ng mă bruă sui, mơ̆ng anăn rơ̆ng kơ hnơ̆ng tŭ jăk bruă sang hră mơar.