Anei jing knhuang yuôm bhăn kñăm bi mklă hdră êlan bi khuăt anôk bruă knŭk kna mơ̆ng gưl dlông. Bruă tŭ mă klei blŭ dưi mkŏ mjing hŏng klei khuăt, mơ̆ng klei bi kƀĭn êpul êya truh kơ klei hiu mbha hră ti sang, rơ̆ng klei klă mngač. Ti ƀuôn Ia Nueng, să Biển Hồ, ƀuôn prŏng Pleiku, mnuih ƀuôn sang mâo leh lu klei đru mguôp.

Mnuih ƀuôn sang bi êdah klei sâi hŏng hdră pŏk mlar să Biển Hồ, mbĭt anăn brei mđĭ ênoh knuă druh mă bruă hdră bhiăn čiăng đru kơ mnuih ƀuôn sang leh mâo hdră bi mŭt mbĭt. Hlăm wưng êgao, bruă knŭk kna alŭ wăl mđĭ leh hdră mtô mblang, hưn mthâo hdră lehanăn mkŏ mjing klei mƀlir hră ti lu anôk bruă. Êlâo anăn, Anôk kriê dlăng bruă Đảng čar tŭ ư hŏng hdră bi hrŏ mơ̆ng 218 trŭn 77 anôk bruă knŭk kna gưl să. Leh mă klei blŭ, anôk bruă sang čư̆ êa gưl să srăng hưn mdah, bi mklin klei blŭ ba mơĭt kơ gưl dlông./.