Tui si klei hâo mdah ti anôk bi kƀĭn, mlan 4, klei duh mkra lŏ dơ̆ng đĭ kyar, bruă kluôm ăt hơĭt, prăk luič ênoh dưi ksiêm dlăng, djăp mta bruă bi kna mâo ngă hŏng klei jăk, lu ênoh kčah čuăn mâo bi sĭt tăp năng kdlưn hĭn, hŏng ênoh jăk mkă hŏng mlan êlâo. Bruă tuh tia đĭ giăm 9%; ênoh mnơ̆ng čhĭ hliê, lehanăn ênoh mâo ba wĭt đĭ êbeh 10%…

Ti anôk bi kƀĭn, Khua knŭk kna Phạm Minh Chính mñă hŏng klei thâo gĭr kjăp, kiă kriê bi leh dŭm bruă prŏng, dôk hlăm hdră êlan yuôm bhăn, kñăm mđĭ kyar, mkhư̆ klei prăk luič ênoh, bi hơĭt klei duh mkra kluôm, rơ̆ng kjăp kơ klei hdĭp mda ala ƀuôn... Kơ dŭm bruă čuăn, hdră mă bruă tinăp, khua knŭk kna mtă lŏ mprăp hlăm klei kjăp, pioh kơ bruă bi kƀĭn tal 9 mơ̆ng bruă kƀĭn ala. Khua knŭk kna mtă brei bi leh klei bhiăn, klei bi khuăt dăp wĭt mnuih mă bruă, bi mlih hdră êlan mă bruă, mlih mrô. Mtă kơ dŭm phŭn dhar bruă, alŭ wăl hlăm thŭn 2025 bi hrŏ ƀiă êdi 30% wưng mghaih msir djăp mta hră mơar, lăm lui ƀiă êdi 30% klei ktrŏ kơ bruă duh mkra mnia mblei./.