Ti anôk bi blŭ hrăm, Khua gĭt gai Đảng Tô Lâm lač, Việt Nam yap yuôm lehanăn mâo klei bi mguôp jing tal êlâo hŏng dŭm ala čar bi hgŭm leh mơ̆ng đưm, hlăm anăn mâo ala čar Kazakhstan; lač jăk kơ Kazakhstan đru leh Việt Nam hlăm klei bi blah sua mă klei êngiê kơ djuê ana êlâo dih, lehanăn wăt hlăm klei rŭ mdơ̆ng lăn čar ară anei.

Dua čô khua kiă kriê mñă klei yuôm bhăn mkŏ mjing klei bi mjĕ êrô mrâo, srăng đru hyuă kjăp hĭn 5 mta klei bi hgŭm jing, duh mkra mnia mblei, duh bi liê, bi mklă klei duh mkra mâo lu mta klei găl pioh mđĭ kyar hĭn, bi đăo knang hlăm klei hgŭm kluôm dhuôm dưi mkŏ mjing srăng đru kơ dua nah mđĭ kyar pral hĭn hlăm klei hgŭm duh mkra, mđĭ ênoh bi mnia mblei đĭ hĭn êbeh 2 blư̆ hlăm wưng tinăp./.