Wăl kriê pioh dưi rŭ mdơ̆ng ti ênhă hlăm brô 3,6ha ti anôk knông hŏng sang yơng Hội Khánh, hŏng hdră wăl anôk pŏk, msĕ sang Yơng, mkŏ mjing sa wăl dhar kreh, hƀuê ênuk leh anăn klei đăo. Hdră mâo ênoh duh bi liê êbeh 103,8 êklai prăk, mâo dŭm anôk phŭn: Anôk kkuh leh anăn anôk čuh brui mgưi bi hdơr kơ Nguyễn Sinh Sắc, dưi mkra mjing hŏng knhuah đưm krĭng Dhŭng bi mguôp hŏng knhuah gru Việt Nam, mkŏ mjing wăl kdrưh kơăm, jĕ giăm leh anăn mâo knhuah hƀuê ênuk – dhar kreh.

Êngao kơnăn jing wăl rang mdah srăng wĭt bi êdah kơ klei hdĭp leh anăn bruă knuă mơ̆ng Nguyễn Sinh Sắc. Wăl tač dưi mkra mjing mă mơ̆ng boh mnga hlăm hgơr kông, đru kơ dŭm mta bruă yang ƀuôn leh anăn mtô mjuăt knhuah gru.