Grăp boh čar hlăm alŭ wăl mâo mơ̆ng 5 - 6 čô phung bi ala nao hlăm klei bi kƀĭn prŏgn êpul hgŭm êdam êra ba anăp hlue ngă knhuah mngač mơ̆ng Awa tal 8 ti ɃP.HCM.  Wưng anei, bruă êdam êra čar Daknông mkŏ mjing leh klei pah mni kơ 28 čô phung êdam êra jing kdlưn hĭn hlue ngă hlue knhuah Awa lehanăn 17 čô đảng viên mda asei jing kdlưn hĭn ti čar Daknông wưng thŭn 2023 - 2025. Ăt hlăm wưng anei mơh,, êpul khua kiă kriê bruă êdam êra mđup brei leh hră bi mni kơ 2 čô, 1 êpul lehanăn bruă êdam êra čar Gia Lai mđup leh mơh hră bi mni kơ 5 čô, 5 êpul mâo boh tŭ dưn hĭn hlăm hdră ala čar mkŏ mkra krĭng ƀuôn sang mrâo wưng thŭn 2021-2025.

Kpuih Rung – Khua bruă êdam êra sa Hla, kdriêk Chư Pưh, čar Gia Lai hưn mdah bruă hlăm alŭ wăl: “Bi hdơr hrue kkiêngh kơ Awa Hồ, Êpul bruă edam êra să Ia Hla mkŏ mjing leh lu bruă ngă jăk. Msĕ si bruă êdam êra bi mguôp hŏng êpul hgŭm bruă mniê lehanăn dŭm êpul êya mkăn mkŏ mjing klei bi tuôm bi trông kơ Awa, lŏ bi hdơr knhuah gru cách mạng, mkŏ mjing klei hlăp mbul, kdŏ muiñ, mjuăt asei mlei, bi mni kơ Awa Hồ lehanăn mâo klei bi lông pah boh… Êngao anăan, mkŏ mjing klei đru ba kơ hđeh amâo mâo jăk asei mlei, nao čuă lehanăn mđup brei mnơ̆ng kơ phung mduôn khua hlăm cách mạng, gŏ sang mnuih mâo bruă tŭ dưn”./.