Hdră bruă mâo ênoh bi liê giăm 20 êbâo êklai prăk, hŏng boh dlông Hdră bruă hlăm brô 5 km, anôk mkŏ hŏng êlan Nghi Tàm, anôk knhal tuč mkŏ hŏng êlan Trường Sa. Blŭ hrăm hlăm knăm mphŭn rŭ mdơ̆ng, Khua knŭk kna Phạm Minh Chính bi mklă, bruă rŭ mdơ̆ng Hdră bruă bi liê mkŏ mjing kban Tứ Liên srăng đru bi hrŏ klei kpĭ kơ êlan klông hlăm wăl krah phŭn, mkŏ ƀuôn prŏng Hà Nội hŏng krĭng nah Dưr, Ngŏ Dưr krông Hồng, čar Thái Nguyên, mkŏ hŏng Wăl krah Sang mnia rang mdah ala čar leh anăn êlan mơ̆ng tač êdeh phiơr Gia Bình kơ anôk phŭn Hà Nội, đru mđĭ kyar bruă duh mkra ala ƀuôn mơ̆ng ƀuôn prŏng Hà Nội leh anăn krĭng ƀuôn prŏng phŭn.

Khua knŭk kna mtă kơ gưl bruă Đảng, bruă sang čư̆ êa ƀuôn prŏng Hà Nội kƀĭn gĭt gai Pô bi liê, kčĕ ksiêm dlăng, phung mkra mjing leh anăn anôk bruă djŏ tuôm hlue ngă klei mtă kơ hdră mnêč, kčah mtrŭn hdră bhiăn djŏ tuôm, amâo brei mâo klei tlĕ ƀơ̆ng ngăn, luč liê mang ngă luč liê ngăn drăp knŭk kna.