Mjuăt bi hriăm bruă djuê ana kơ knuă druh lĭng kahan
Thứ tư, 10:57, 07/05/2025
Pô mblang: Y-Khem Niê
Pô mblang: Y-Khem Niê
VOV4.Êđê - Mơ̆ng hrue 6/5 truh jih hrue 8/5, ti ƀuôn prŏng Pleiku čar Gia Lai, Knơ̆ng kiă kriê bruă kđi čar hlăm lĭng kahan yang ƀuôn Việt Nam mkŏ mjing leh klei mjuăt bi hriăm bruă djuê ana hŏng phung knuă druh lĭng kahan, ngă bruă đru čung ba mnuih ƀuôn sang ti dŭm anôk bruă kahan, lehanăn êpul bruă kahan ăng mgang knông lăn.
Klei mjuăt bi hriăm anei mđing kơ hdră êlan djuê ana, dŭm bruă dhar kreh, yang ƀuôn, klei đăo, klei bhiăn djuê ana, bruă kđi čar hlăm ƀuôn sang, bruă răng mgang klei êđăp ênang, bruă klam mơ̆ng lĭng kahan đru klam dŭm mta klei amâo mâo jăk hlăm ƀuôn sang.
Êjai hlăm klei dôk mjuăt hriăm srăng mâo klei kčĕ kơ bruă đru čung ba mnuih ƀuôn sang, lehanăn bi trông kơ hdră êlan bi mguôp dŭm gŏ sang ti Binh đoàn 15, ksiêm dlăng bruă hâo hưn kơ dhar kreh hlăm ƀuôn sang ti să Ia Pnôn, kdriêk Đức Cơ, čar Gia Lai, mă klei hriăm hlăm bruă hlue ngă bruă djuê ana hŏng bruă ala čar kñăm mđĭ kyar klei duh mkra ala ƀuôn krĭng mnuih djuê ƀiă lehanăn krĭng čư̆ čhiăng./.
Viết bình luận