Tlam mbruê 28/5, ti Anôk bruă Knŭk kna, Khua knŭk kna Phạm Minh Chính drông leh Êpul Bruă kƀĭn ala dua đảng Bruă kƀĭn ala nah gŭ Mi hriê čhưn leh anăn mă bruă ti Việt Nam, kyua Khua bruă kƀĭn ala John Moolenaar, ƀang Michigan, sa čô hlăm Knơ̆ng bruă kƀĭn ala nah gŭ Mi, ngă khua êpul. Hlăm mmông drông, Khua knŭk kna bi mklă Việt Nam gĭr hŏng bruă tač êngao êngiê, čŏng ngă, pŏk mlar, lu tĭng, lu jơr klei bi hgŭm; mñă klă hdră êlan mkŏ mjing bruă duh mkra êngiê mguôp hŏng klei mprăp, gĭr ñŭ kma êlam, klă sĭt leh anăn tŭ dưn.

Khua knŭk kna brei Moolenaar leh anăn phung Bruă kƀĭn ala Mi lŏ dơ̆ng mđing uêñ, sa ai hŏng klei đĭ kyar mơ̆ng klei bi hgŭm plah wah dua tĭng, hlăm anăn mâo bruă ksiêm dlăng ba Việt Nam mơ̆ng anăn ksiêm dlăng  hdră ba čhĭ kơ ala tač êngao leh anăn mđĭ hdră ksiêm dlăng tŭ yap klei bhiăn bruă duh mkra mơ̆ng Việt Nam. Pô ngă bruă kƀĭn ala nah gŭ Moolenaar leh anăn phung ngă bruă kƀĭn ala hgŭm mơ̆ng Êpul ƀuăl rơ̆ng đru mđĭ klei bi hgŭm dua nah, hlăm anăn mâo klei bi hgŭm bruă duh mkra - mnia blei leh anăn bi trông kơ bruă jia plah wah dua ala čar.