Hlăm anăn, năng mđing jing bruă nao hlăm Klei bi kƀĭn bruă duh mkra Việt Nam – Hokkaido leh anăn drông Khua kiă kriê Hokkaido. Blŭ hrăm hlăm Klei bi kƀĭn bruă duh mkra Việt Nam – Hokkaido, K’iăng Khua knŭk kna Nguyễn Chí Dũng mñă klă, klei bi hgŭm bruă duh mkra plah wah 2 tĭng ăt mâo lu klei găl đĭ kyar, leh anăn ba mdah dŭm klei găl hŏng bruă sang čư̆ êa leh anăn êpul êya bruă duh mkra dua tĭng msĕ si: mđĭ klei bi hgŭm bruă duh mkra, dhar kreh plah wah Hokkaido leh anăn dŭm alŭ wăl mơ̆ng Việt Nam, ksiêm hriăm hnưm êlan phiơr mkŏ Hokkaido leh anăn dŭm alŭ wăl mơ̆ng Việt Nam.

K’iăng Khua knŭk kna bi mklă, Knŭk kna Việt Nam ƀuăn rơ̆ng hrăm mbĭt, mjing klei găl kơ phung duh bi liê hlăm ala čar leh anăn ala tač êngao, hlăm anăn mâo phung duh bi liê Japon leh anăn Hokkaido, duh bi liê bruă mnia blei kjăp, tŭ dưn, sui ti Việt Nam.