Hruê 6/5, Anôk bruă sang čư̆ êa čar Dak Lak ba mdah leh Hră mtrŭn mtă kơ dŭm anôk, dhar bruă lehanăn alŭ knŭk kna alŭ wăl ksiêk kjăp klei bhiăn, hdră mă bruă knŭk kna hlăm wưng dôk mkŏ mjing hdră bi mŭt anôk bruă ngă hră mơar gưl kdriêk, gưl să.

Bruă anei dưi mkŏ mjing hlăk ti lu klei bi kƀĭn giăm anei mơ̆ng bruă Đảng čar lehanăn Anôk bruă sang čư̆ êa čar, klei phung knuă druh, mnuih mă bruă ti dŭm alŭwăl kdriêk kdriêk, să mâo klei amâo sa ai, amâo mđing uêñ kơ bruă, kƀah klei đua klam, mâo kleimĭn dôk “čang guôn bi mŭt mbĭt”, mâo leh khua čar hưn mdah klă lehanăn brei bi mlih mtam. Dŭm anôk bruă lŏ mâo klei knuă druh ngă ngơi, dêč kơ bruă klam, amâo đru kčĕ, ba mdah hdră mă bruă, hmăi truh kơ hdră mprăp lehanăn hnơ̆ng tŭ jăk anôk bruă leh bi mŭt mbĭt. Ti anăp klei anei, Anôk bruă sang čư̆ êa čar mtă kơ dŭm anôk, dhar bruă mđing msir mghaih jih bruă dôk mâo, rơ̆ng anôk bruă knŭk kna mrâo ngă bruă tŭ dưn mơ̆ng tal êlâo mtam./.