Blŭ hlăm mmông bi tuôm, Khua hlăm êpul bruă Đảng Trương Thị Mai mñă klă: găn 50 thŭn mkŏ mjing klei mjĕ giăm, klei mjĕ giăm Việt Nam – Japon ƀrư̆ hruê ƀrư̆ siam, đĭ kyar kluôm êlam hlăm lu mta bruă msĕ si bruă duh mkra mnia mblei, mnuih mă bruă…

Boh nik klei bi mguôp hlăm bruă mtô mjuăt, bi hriăm phung knuă druh gĭt gai, kriê dlăng dŭm gưl hlăm wưng êgao jing gru mgač hlăm klei mjĕ giăm bi hgŭm plah wah dua ala čar. Mơ̆ng thŭn 2018 – 2023, knŭk kna Japon mkăp leh 500 klei đru hriăm wưng bhiâo leh anăn wưng man dưn, 300 klei đru hriăm thạc sĩ, 25 klei đru hriăm nai prĭn kơ Việt Nam.