Hlăm hdră 94 čô êdah êdi hlăm hdră bi lông êpul lĭng kahan čar Kon Tum leh anăn phung bi ala lŏ ksiêm dlăng hdră bi lông 5 thŭn êgao. Boh phŭn klei bi tuôm hŏng 10 êpul, phung êdah êdi mâo lu klei tŭ dưn bi êdah ai tiê bi hgŭm, klei mĭn mbruă, găn djăp klei dleh dlan, gĭr ktưn bi leh bruă klam phung knuă druh, lĭng kahan čar Kon Tum.

Mbĭt anăn jing klei yăl dliê mgei ai tiê kơ klei khăp lĭng kahan hŏng mnuih ƀuôn sang, msĕ si Anôk bruă gĭt gai Lĭng kahan kdriêk Kon Plông hŏng bruă “Hdơr knga tla ai”, đru klei hdĭp mda kơ phung ƀun ƀin, Anôk bruă gĭt gai lĭng kahan kdriêk Đăk Glei hŏng gru hmô “Knưng mnơ̆ng 0 prăk”; Thiếu tá mbruă Nguyễn Thị Trinh hŏng bruă đru kơ mnuih ƀuôn sang mâo klei hdĭp dleh dlan.