Mơ̆ng akŏ thŭn truh kơ ară anei, bruă Đảng, knơ̆ng kiă kriê kahan mơ̆ng Binh đoàn 15 mđing kiă kriê bi leh jih jang bruă mkŏ mjing êpul êya kjăp. Jih jang êpul êya kahan hlăm Binh đoàn ngă leh jăk bruă duh mkra, bi hrŏ ênoh bi liê; čuăl mkă ênoh mnuih ngă bruă hŏng klei khuăt kjăp.

Kyuanăn, khădah ênoh čhĭ ktăk ksu amâo mâo yuôm ôh, ƀiădah Binh ăt krơ̆ng prăk mlan hơĭt nanao kơ mnuih ngă bruă kah knar jing 7,3 êklăk /čô/ mlan. Mơ̆ng akŏ mlan truh kơ ară anei, Binh đoàn lŏ hrŏng ruah mrâo truh 2.400 čô mnuih ngă bruă, hlăm anăn jing êbeh 97% jing mnuih djuê ƀiă. Lehanăn, Binh đoàn ăt đru dŭm alŭ wăl ngă mrâo truh 600 ƀĕ gơ̆ng bi êran pui kmlă hŏng pil yang hrue mtrang mngač truh 20km êlan ti 10 boh ƀuôn, mkŏ mjing mkă dlăng mbha êa drao kơ dŭm gŏ êsei knŭk kna dlăng ba, hlăm dŭm wưng tết hat./.