Jing anôk bruă duh mkra hlăm bruă lĭng kahan jưh jơ̆ng ti 251 km êlan knông lăn bi knông hŏng Lào leh anăn Campuchia ti krĭng Lăn Dăp Kngư, ară anei Binh đoàn 15  mâo êbeh 15.000 čô mnuih mă bruă, lu jing mnuih djuê ƀiă. 5 thŭn êgao, khădah tuôm hŏng lu klei dleh dlan, ƀiădah Binh đoàn 15  ăt rơ̆ng kơ prăk mlan kah knar mơ̆ng phung mă bruă jing êbeh 6 êklăk 500 êbâo prăk sa čô hlăm sa mlan.

Grăp thŭn, Binh đoàn mkăp êbeh 30 êklai prăk hluê ngă hdră đru rông ba, kriê dlăng klei suaih pral leh anăn hluê ngă hdră “Sang mđao công đoàn, klei khăp ƀĭng hgŭm”. Mrâo anei, blŭ hlăm klei kƀĭn trông Phung bi ala công đoàn dưi tal 5, Thiếu tướng Hoàng Văn Sỹ, k’iăng khua bruă Đảng, knơ̆ng gĭt gai lĭng kahan Binh đoàn 15 brei thâo: “Mnuih mă bruă jing mnuih Yuăn leh anăn gŏ sang mnuih djuê ƀiă mâo klei bi mguôp, bi đru hlăm bruă mkra mjing, bi đru mđĭ kyar bruă duh mkra, mjĕ êrô dhar kreh. Hnư hrui wĭt mơ̆ng gŏ sang mnuih djuê ƀiă đĭ pral”.