Mơ̆ng ktuê dlăng, Phung ksiêm dlăng Knơ̆ng bruă hâo hưn - mtô mblang čar Bình Dương leh anăn kahan ksiêm čar Bình Dương ƀuh P yua anăn “Pii Nguyen” čih hlăm facebook klei hâo hưn soh ngă luč klei êđăp ênang, blŭ jhat kơ êpul kahan ksiêm djŏ tuôm kơ boh klei mâo ti kdriêk Čư̆ Kuin, čar Dak Lak. Mă bruă hŏng anôk bruă djŏ tuôm, N.T.P lač pô ngă soh leh hŏng hdră bhiăn leh anăn ƀuăn srăng amâo lŏ ngă soh ôh.

Phung ksiêm dlăng mơ̆ng Knơ̆ng bruă hâo hưn mtô mblang čar Bình Dương bi mklă kmhal P 7 êklăk 5 êtuh êbâo prăk kyua klei soh “Mkăp, kah mbha klei hâo hưn blŭ jhat kơ kơhưm mơ̆ng anôk bruă, êpul bruă, kơ knuih kơhưm mnuih”. Anôk bruă djŏ tuôm ăt  brei P lăm lui klei hâo hưn soh hŏng hdră bhiăn./.