VOV4.Êđê- Hruê mbruê 5/10, ti ƀuôn prŏng Nha Trang, čar Khánh Hoà mkŏ mjing leh klei blŭ hrăm kơ êa ksĭ gưl tal 9 hŏng akŏ: “Ksiêm duah klei kreh knhâo kơ êa ksĭ: mkŏ mjing klei đăo knang leh anăn wăl hơĭt kjăp”. Hdră anei mơ̆ng anôk bruă hŏng tač êngao, anôk bruă bi ala Angle ti Việt Nam, keh prăk Konrad Adenauer Stiftung (KAS) bi mguôp mkŏ mjing. Nao hlăm klei blŭ hrăm anei mâo giăm 200 čô bi ala mơ̆ng tač tač êngao leh anăn hlăm ala čar. K’iăng nai prŏng – nai prĭn Nguyễn Chu Hồi, k’iăng khua kiă kriê bruă mă kan hdang Việt Nam brei thâo, klei kreh knhâo mrâo mrang mâo boh tŭ yuôm bhăn hlăm klei đĭ kyar bruă duh mkra, răng mgang klei dưi kiă kriê ala čar.

Čiăng jing ala čar đĭ kyar kơ êa ksĭ srăng mâo klei kreh knhâo mrâo mrang, dưn yua êa ksĭ mâo boh tŭ dưn. K’iăng nai prŏng – nai prĭn Nguyễn Chu Hồi mñă klă, hŏng bruă tač êngao, dŭm ala čar mkŏ mjing klei đăo knang čiăng bi mguôp klei kreh knhâo kơ êa ksĭ. Mbĭt anăn mkŏ mjing anôk bruă kriê dlăng, bi mguôp ksiêm duah klei kreh knhâo kơ ksĭ Ngŏ.

Pô mblang: Y-Ƀel Êban