VOV4.Êđê - Bruă Đảng, sang čư̆ êa lehanăn mnuih ƀuôn sang dŭm djuê ana Dak Lak mkŏ mjing leh Knăm nao čuă msat kahan djiê êngiă hlăm čar. Ti knăm anei, bi ala Bruă Đảng, sang čư̆ êa lehanăn mnuih ƀuôn sang dŭm djuê ana čuh leh brui mngưi, dưm mnga bi êdah klei lač jăk kơ phung kahan djiê êngiă săn asei kyua hdră kdơ̆ng mblah mtlaih êngiê djuê ana.

Mđĭ lar knhuah gru mnăm êa hdơr kơ akŏ, dŭm thŭn êgao, čar Dak Lak jih ai tiê mđing kơ mnơ̆ng dhơ̆ng, ai tiê klei mĭn kơ phung kahan êka êkeh, gŏ sang kahan djiê êngiă, Amĭ Việt Nam jhŏng ktang, mnuih mâo bruă tŭ dưn. Dŭm hdră hdơr knga tla ai, mkra sang khăp čiăng, mđup brei prăk mkiêt mkriêm…. Grăp thŭn dưi ngă nanao hŏng ênoh duh êbeh 25 êklai prăk./.

H’ Nêč pô mblang