VOV4.Êđê- Aguah 29/9, Anôk dlăng bruă Đảng ƀuôn prŏng Hồ Chí Minh gưl XI wưng 2020-2025 mkŏ mjing Klei bi kƀĭn tal 17, kñăm ksiêm wĭt 1 thŭn hlue ngă Hdră mtrŭn mrô 05 mơ̆ng Anôk dlăng bruă Đảng ƀuôn prŏng kơ hdră gang mkhư̆ Covid-19 leh anăn bruă duh mkra ti ƀuôn prŏng Hồ Chí Minh. Êngao anăn, Klei bi kƀĭn ăt ksiêm dlăng boh klei duh mkra- ala ƀuôn 9 mlan êgao leha năn bruă klam hdră msir phŭn 3 mlan knhal jih thŭn hŏng dŭm boh phŭn yuôm bhăn mkăn.

Mphŭn pŏk klei bi kƀĭn, Khua hlăm Phŭn bruă kđi čar, Khua dlăng bruă Đảng ƀuôn prŏng Nguyễn Văn Nên dŭm klei tŭ dưi mâo truh ară anei jing yuôm bhăn, kluôm ênŭm, hơ̆k mơak leh anăn klei đăo knang ƀrư̆ đĭ. Khădah snăn, Nguyễn Văn Nên mtă, hlăm djăp boh klei brei lŏ dlăng wĭt leh anăn duah klei jăk čiăng mđĭ lar, boh nik bruă ksiêm dlăng pŏk ngă hdră ngă bruă hlăm djăp bruă mă, grăp alŭ wăl./.

Pô mblang: H’Zawut Ƀuôn Yă