Aguah 14/8, Anôk bruă Đảng čar Dak Lak ksiêm wĭt leh 10 thŭn hluê ngă Hdră mtrŭn mrô 33 mơ̆ng Anôk kriê dlăng bruă Đảng gưl XI kơ bruă “Mkŏ mkra lehanăn mđĭ kyar dhar kreh anak mnuih Việt Nam djŏ hŏng klei đĭ kyar h’ĭt kjăp mơ̆ng ala čar” lehanăn 15 thŭn hluê ngă Asăp mtrŭn mrô 38 mơ̆ng Anôk bruă Đảng kơ bruă “Mtrŭt mđĭ hră ênua mdrao mgŭn hlăm boh klei mrâo”.

Leh 15 thŭn hluê ngă Asăp mtrŭn mrô 38 mơ̆ng Anôk bruă Đảng, hră ênua mdrao mgŭn mđĭ lar leh boh tŭ dưn hlăm klei hdĭp ala ƀuôn, mâo lu klei đru mguôp yuôm bhăn hlăm hdră răng mgang, mkra mđĭ klei hdĭp mnuih ƀuôn sang. Leh 10 thŭn hluê ngă, čar Dak Lak mâo êbeh 398.000/463.000 gŏ sang dhar kreh, mâo 86%. Dhar kreh djuê ana jăk siam mơ̆ng đưm krĭng mnuih djuê ƀiă dưi krŭ wĭt, kriê pioh lehanăn mđĭ lar. Nguyễn Đình Trung, Khua bruă Đảng čar Dak Lak čih pioh lehanăn bi mni dŭm klei đru mơ̆ng dŭm gưl, dhar bruă hlăm klei hluê ngă Hdră mtrŭn mrô 33 lehanăn Asăp mtrŭn mrô 38 mơ̆ng Anôk bruă Đảng hlăm alŭ wăl čar./.