Bruă Đảng čar Dak Lak mkŏ mjing klei kƀĭn gưl tal 1 Êpul khua gĭt gai hluê ngă mta kñăm mđĭ kyar 2 ênoh mrô wưng thŭn 2026 - 2030
Thứ năm, 13:35, 02/04/2026
Y-Bel Êban/VOV Tây Nguyên
Y-Bel Êban/VOV Tây Nguyên
VOV.Êđê- Hruê mbruê 1/4, Bruă Đảng čar Dak Lak mkŏ mjing klei kƀĭn gưl tal 1 Êpul khua gĭt gai hluê ngă mta kñăm mđĭ kyar 2 ênoh mrô wưng thŭn 2026 - 2030, bi trông kơ hdră êlan ruh mgaih klei kpăk mơ̆ng wưng tlâo mlan tal 1 êjai mâo dŭm hdră ka mâo djŏ hŏng hdră kčah.
Hluê si hdră kčah đĭ kyar, wưng thŭn 2026 - 2030, Dak Lak mdưm mta kñăm đĭ kyar kah knar mơ̆ng 11–11,5%/thŭn, kluôm ênoh GRDP 5 thŭn mĭn tĭng mâo giăm 700 êbâo êklai prăk. Hdră kčah grăp thŭn dưi hnơ̆ng 2 ênoh mrô, mơ̆ng 10,2% hlăm thŭn 2026 jing 12% hlăm thŭn 2030.
Ti anăp klei čuăn đĭ kyar 2 ênoh mrô hlăm wưng ƀiă boh kdrŭt, Lương Nguyên Minh Triết, khua bruă Đảng čar Dak Lak mñă brei mâo hdră êlan kdlưn hĭn, boh nik hlăm mlih mrâo hră mơar Knŭk kna leh anăn iêo jak klei duh bi liê. Mbĭt anăn čiăng mkŏ mjing hdră mđing tal êlâo, bi hrŏ mmôn ngă dŭm hdră êlan prŏng, mkŏ mjing klei đĭ kyar mơ̆ng thŭn 2026.
Viết bình luận