Ti anôk bi kƀĭn, bruă Đảng čar Daklak bi êdah bruă mkŏ mjing anôk bruă ksiêm dlăng bruă Đảng čar leh klei bi mŭt anôk bruă ksiêm dlăng bruă Đảng čar Daklak lehanăn Phú Yên. Trần Trung Hiển, Khua hlăm êpul kiă kriê bruă Đảng čar djŏ ruah mdưm nga khua kiă kriê anôk bruă ksiêm dlăng bruă Đảng čar.

Kơ klei mkŏ mjing Đảng, lehanăn êpul bruă Đảng čar wưng păn bruă  2020–2025 mâo mkŏ mjing, mâo Cao Thị Hòa An, K’iăng khua kiă kriê bruă Đảng čar, jing khua Êpul gơ̆ng bruă ƀuôn sang čar ngă khua kiă kriê bruă Đảng. Tạ Anh Tuấn, Khua knơ̆ng bruă sang čư̆ êa čar djŏ ruah ngă k’iăng khua bruă Đảng hlăm knơ̆ng bruă sang čư̆ êa čar. Hră klei mrâo, lehanăn mđung asăp, mđung rup čar dưi bi mŭt jing sa anôk bruă, mâo Phạm Hoàng Quyên păn ngă khua knơ̆ng kiă kriê anôk bruă. Blŭ hrăm ti anôk bi kƀĭn, khua bruă Đảng čar Daklak Nguyễn Đình Trung mtă kơ jih jang dŭm gưl bruă Đảng, dŭm anôk bruă mđĭ ai, lehanăn bi sa hnơ̆ng klei ngă bruă, mjing ai bi ktưn, bi leh jih bruă kčah jao hlăm kđi čar wưng mrâo./.