VOV4.Êđê - Tlam 13/1, Bruă Đảng Êpul duh mkra gưl dlông mkŏ mjing klei ksiêm wĭt bruă knuă thŭn 2021 leh anăn pŏk ngă bruă klam thŭn 2022. Thŭn 2021, bruă Đảng Êpul duh mkra gưl dlông gĭt gai dŭm anôk bruă hluê ngă jăk bruă mkŏ mjing Đảng leh anăn mđĭ ktang bruă mkra mjing mnia blei. Hluê si klei ksiêm yap, ênoh prăk hrui wĭt mơ̆ng dŭm êpul gruŭp, knơ̆ng bruă hlăm Êpul đaŏ tĭng mâo giăm 1,55 êklăk êklai prăk, êbeh 43,5% mkă hŏng hdră kčah leh anăn đĭ mkă hŏng thŭn 2020.

Blŭ hrăm hlăm klei bi kƀĭn, Khua Anôk bruă duh mkra gưl dlông Trần Tuấn Anh mtă, hlăm wưng kơ anăp bruă Đảng êpul duh mkra gưl dlông lŏ dơ̆ng mđĭ ktang leh anăn ngă jăk hĭn dơ̆ng bruă mkŏ mjing, ƀư̆ mkra Đảng; lŏ dơ̆ng mlih mrâo, mđĭ boh tŭ dưn ngă bruă leh anăn mđĭ klei thâo ngă bruă mơ̆ng anôk bruă duh mkra, rơ̆ng prăk hrui wĭt, bruă mă kơ knuă druh, phung mă bruă knŭk kna, mnuih mă bruă.

H’Zawut pô mblang