VOV4.Êđê- Aguah 6/7, ti Hà Nội, bruă Đảng Êpul hgŭm dŭm anôk bruă Gưl dlông mkŏ mjing Klei bi kƀĭn Anôk bruă Đảng tal 9. Klei bi kƀĭn ksiêm wĭt bruă knuă 6 mlan akŏ thŭn leh anăn bruă knuă 6 mlan knhal jih thŭn mơ̆ng bruă Đảng Êpul hgŭm. 6 mlan êgao, Bruă Đảng Êpul hgŭm dŭm anôk bruă gưl dlông lŏ dơ̆ng ktuê dlăng Hdră mtrŭn Klei bi kƀĭn 13 mơ̆ng Đảng, Hdră mtrŭn mơ̆ng bruă Đảng êpul hgŭm, dŭm hdră kčah ktrâo lač mrâo mơ̆ng Gưl dlông čiăng bi klă klơ̆ng boh phŭn leh anăn klei êdah kdlưn mtrŭn hdră mă bruă.

Kơ bruă klam dŭm mlan adôk hlăm thŭn anei, Nguyễn Thành Nam - Khua Dhar bruă ksiêm dlăng, Bruă Đảng Êpul hgŭm dŭm anôk bruă Gưl dlông lač klă, bruă Đảng Êpul hgŭm srăng lŏ dơ̆ng mlih mrâo, mđĭ hnơ̆ng jăk klei dưi ba yua, boh tŭ klei gĭt gai leh anăn hlue ngă bruă klam ksiêm dlăng, ktuê dlăng. Hlue ngă nanao, kluôm ênŭm bruă ksiêm dlăng mơ̆ng Đảng čiăng ngă bruă kđi čar, bruă mkŏ mjing, ƀư̆ mkra đảng doh mngač, kjăp ktang./.

                                               Pô mblang: H’Zawut Ƀuôn Yă