Bruă Đảng kahan čar Dak Lak ksiêm dlăng Klei bi kƀĭn gưl dlông tal 15 mguôp hŏng bruă mprăp kơ Klei bi kƀĭn tal XIV mơ̆ng Đảng
Thứ năm, 06:00, 08/01/2026
VOV TAYNGUYEN
VOV TAYNGUYEN
VOV.Êđê- Hruê (7/1), Bruă Đảng kahan čar Dak Lak mkŏ mjing Klei bi kƀĭn hưn mdah boh tŭ Klei bi kƀĭn tal 15 Anôk dlăng bruă Đảng gưl dlông tal XIII leh anăn bruă hâo hưn, mtô mblang, tă hdră mprăp kơ Klei bi kƀĭn phung bi ala kluôm ala tal XIV mơ̆ng Đảng, ruah phung bi ala Bruă kƀĭn ala gưl XVI, Êpul gơ̆ng bruă ƀuôn sang dŭm gưl wưng 2026–2031.
Hlăm klei bi kƀĭn, phung bi ala ksiêm dlăng boh phŭn klă klơ̆ng, phŭn leh anăn bruă mrâo, kluôm mâo Gưl dlông bi trông, ksiêm dlăng, bi mklă hlăm Klei bi kƀĭn gưl dlông tal 15. Hŏng êpul lĭng kahan čar Dak Lak, bruă ksiêm dlăng leh anăn hlue ngă ai tiê Klei bi kƀĭn gưl dlông tal 15 mơ̆ng Đảng dưi bi mklă jing bruă klam kđi čar phŭn, jêñ jêñ.
Dŭm gưl bruă Đảng, êpul bruă lŏ dơ̆ng ksiêm dlăng êlam klei bhiăn Đảng gĭt gai kluôm, jih jang bruă hŏng lĭng kahan; krơ̆ng kjăp klei mĭn Đảng hlăm êpul bruă kahan; kƀĭn mkŏ mjing anôk bruă kjăp ktang kơ kđi čar, mjing tur knơ̆ng mđĭ hnơ̆ng jăk kluôm leh anăn ai ktang bi blah.
Viết bình luận