Anei jing sa hlăm dŭm să tal êlâo mơ̆ng čar Dak Lak mkŏ mjing klei bi kƀĭn leh dăp êpul mă bruă leh anăn mkŏ mjing bruă sang čư̆ êa dua gưl. Să Hòa Phú dưi mkŏ mjing mơ̆ng bruă bi mŭt tlâo să Hòa Phú, Hòa Khánh, Hòa Xuân, hŏng giăm 50 êbâo čô mnuih ƀuôn sang.

Hlăm wưng mrâo, bruă đảng să bi mklă ba bruă duh mkra hlue si hdră tuh tia mkra mjing - rŭ mdơ̆ng - hdră bruă, mđĭ kyar bruă lŏ hma kdrăp mrâo, bi hrŏ klei jưh knang kơ ngăn prăk, mđing kơ klei čŏng mkăp leh anăn đru mguôp kơ čar. Mđĭ lar klei găl jing ƀăng jang nah Dhŭng ti čar, Hòa Phú mđing bi liê anôk bruă êlan klông nah gŭ, anôk bruă logistics, mđĭ kyar bruă tuh tia mkra mjing lŏ hma leh anăn hiu čhưn ênguê, gĭr jing wăl tuh tia mkra mjing mrâo mrang hlăm thŭn 2035.