Ti kdriêk knông lăn Ia H’Drai, čar Kon Tum, Êpul bruă đoàn gưl dlông mđup brei leh klei bi hmô hdră duh ƀơ̆ng mâo ênoh 2 êklai prăk đru lĭng čan prăk mnga hdjul čiăng kơ phung đoàn viên, phung êdam êra hlăm alŭ wăl mđĭ kyar klei hdĭp mda, mđup brei 20 klei đru hriăm hră mơar, grăp hnư 2 êklăk prăk kơ phung hđeh sang hdră ƀun ƀin hriăm thâo, mđup brei 30 hnư mnơ̆ng kơ phung mă bruă ti knơ̆ng bruă duh mkra mnia mblei Ksu Čư̆ Mô Ray leh anăn knơ̆ng bruă duh mkra mnia mblei Ksu Sa Thầy.

Hdră “Yan mnga knông lăn – tết plao ksĭ” nao mbĭt hŏng bruă kriê dlăng tết kơ phung êdam êra mă bruă, phung mă bruă mkŏ mjing ti să Mô rai, kdriêk Sa Thầy, Êpul khua bruă đoàn gưl dlông mđup brei 20 hnư mnơ̆ng kơ phung mâo kơhưm mnuih djuê ƀiă, mđup brei 2 kdrăp măi tĭnh, kdrăp mđung asăp kơ bruă đoàn kdriêk Mô Rai.

Ƀri wưng tết knhuah gru djuê ana, Êpul khua bruă đoàn gưl dlông mbĭt hŏng čar Kon Tum nao čuă, hơêč hmưi Tết, mđi ai, mđup brei dŭm hnư mnơ̆ng kơ phung knuă druh, lĭng kahan, kahan ksiêm să Ia Dom leh anăn kđông kahan knông lăn Ia Dom, kdriêk Ia G’Drai.