Hlue si klei hưn mdah, bruă duh mkra kluôm klă klươ̆ng kjăp; prăk luč ênoh dưi ktuê dlăng, dŭm klei bi knar bruă duh mkra dưi rơ̆ng. Dŭm bruă dhar kreh, ala ƀuôn, wăl hdĭp mda, lĭng kahan, bruă hŏng tač êngao dưi mđing. Bruă kơ klei êđăp ênang ala ƀuôn, mnuih mă bruă dưi rơ̆ng. Boh nik, hĭng bruă mkra mlih hră mơar, anei jing sa bruă phŭn, mâo Knŭk kna, Khua knŭk kna kƀĭn gĭt gai leh anăn dŭm phŭn, dhar bruă, alŭ wăl hlue ngă mâo klei tŭ dưn năng yap.

Hlăm wưng  kơ anăp, Knŭk kna lŏ dơ̆ng gĭt gai kƀĭn ktuê dlăng, bi ênưih hră mơar, boh nik dŭm hdră kčah dôk jing klei bi kgăn hŏng bruă mnia blei; mtă brei hlue ngă bi jăk bruă ksiêm dlăng klei hmăi, bi mklă hdră kčah kơ hră mơar./.