VOV4.Êđê - Anôk bruă duh mkra gưl dlông mrâo mkŏ mjing Klei bi kƀĭn mđĭ kyar hơĭt kjăp bruă duh mkra hlăm êa ksĭ Việt Nam thŭn 2022 ti čar Phú Yên. Krĭng êa ksĭ Việt Nam mâo hnơ̆ng kah hdang lu jơr hŏng êbeh 200 mta kan, hlăm anăn hlăm brô 110 mta mâo ênoh yuôm bruă duh mkra. Hlăm hdră mđĭ kyar, bruă trah mă kah mâo klei mđing dlăng mơ̆ng Đảng, Knŭk kna leh anăn dŭm gưl bruă knŭk kna.

Êngao kơ klei mă kan hdang, Phŭn bruă lŏ hma leh anăn mđĭ kyar krĭng ƀuôn sang dôk jing boh kdrŭt mđĭ kyar lăn čar. 60% hnơ̆ng mnơ̆ng dhơ̆ng hlăm ala čar dưi mguôp mơ̆ng bruă duh mkra hlăm êa ksĭ. Hiu čhưn ênguê hlăm êa ksĭ ba 70% prăk hrui wĭt kơ bruă hiu čhưn ênguê kluôm ala. Bruă dŭ mdiăng mnơ̆ng dhơ̆ng hlăm êlan ksĭ; Hnơ̆ng duah mă êa pui êwa čuh; pla mjing leh anăn trah mă kan hdang mâo lu.

H’ Zawut pô mblang