36 mta bruă dôk hlăm ênoh 6 bruă phŭn mơ̆ng čar Daklak dôk iêo jak klei duh bi liê. Hlăm anăn, mâo leh 8 mta bruă mơ̆ng lŏ hma, lehanăn klei mkra mjing boh mnga; 13 mta bruă dôk hlăm klei rŭ mdơ̆ng, 8 mta bruă dôk hlăm klei mnia mblei. Hjăn bruă lŏ hma, lehanăn mkra mjing boh mnga bruă lŏ hma čar Daklak dôk mâo lu klei găl dơ̆ng mơ̆ng bruă duh mkra pla mjing hlŏng truh kơ bruă mkra mjing boh mnga.

Ƀiădah, ară anei bruă mkra mjing boh mnga knŏng mrâo mil mơ̆ng 10-15% hnơ̆ng ênoh bruă knuă jih jang. Snăn klei iêo jak mâo klei tŭ jing kơ 8 mta bruă lŏ hma, lehanăn mkra mjing boh mnga dôk leh hlăm ênoh knơ̆ng bruă sang čư̆ êa čar mrâo mtrŭn, srăng đru kơ mnuih ƀuôn sang hơĭt ai tiê duh mkra pla mjing lehanăn anôk kơ bruă pla mjing phŭn pioh mâo mnơ̆ng mkra mjing, rơ̆ng bi djăp ênoh čuăn, lehanăn thâo bĭt klă phŭn agha./.