VOV4.Êđê- Mprăp dŭm bruă ngă kơ phung hđeh hlăm gưl yan mdei prŏng thŭn anei, bruă êdam êra čar Dak Lak pŏk ngă lu hdră msir mđĭ klei thâo leh anăn ngă bruă kơ phung knuă druh êdam êra, boh nik hlăm gưl nah gŭ. Klă klơ̆ng, bruă êdam êra čar Dak Lak mkŏ mjing leh hdră bi hriăm bruă kơ knuă druh êdam êra hlăm alŭ, ƀuôn ti čar.

Hŏng lu akŏ kơ dŭm klei thâo msĕ si: mơak mñai hlăm klei bi kƀĭn êpul, hâo hưn kơ bruă êdam êra mơ̆ng dŭm hla pŏk web ala ƀuôn; blŭ ti anăp mnuih lu leh anăn dŭm klei thâo čiăng êdi mơ̆ng Khua dlăng bruă êdam êra. Mbĭt hŏng anăn, bruă êdam êra čar Dak Lak lŏ dơ̆ng iêô jak ala ƀuôn čiăng mkŏ mjing tač hlăp kơ hđeh, pŏk klei hriăm yan mdei prŏng kơ hđeh. Mkŏ mjing dŭm adŭ hriăm yan mdei prŏng mđing truh kơ hđeh ti dŭm krĭng dleh dlan, taih kbưi.

                                               Pô mblang: H’Zawut Ƀuôn Yă