VOV4.Êđê - Bruă êdam êra čar Daklak mrâo mkŏ mjing leh hdră bi tuôm plah wah êpul bruă êdam êra čar Daklak Việt Nam, hŏng êpul bruă êdam êra čar Čampasăk, Lao. Phung knuă druh bruă êdam êra dua boh čar bi hâo hưn kơ bruă duh mkra ala ƀuôn lehanăn bruă êdam êra dua boh čar 5 thŭn êgao. Bi trông kơ jih bruă hâo hưn, mjuăt bi hriăm knuă druh êdam êra ngă dŭm hdră êlan nơ̆ng Đảng, knŭk kna.

Dŭm klei mâo kuôl kă hgŭm mbĭt leh, lŏ mđĭ hĭn klei bi mguôp bruă êdam êra dua čar Daklak lehanăn Čampasăk. Bruă klam mơ̆ng êpul bruă êdam êra bi mđrăm mbĭt, ngă bruă bi đru, đru kơ phung êdam êra thâo dưn yua klei mĭn pô hŏng klei ngă bruă ba anăp, đru mđĭ kyar bruă duh mkra, bruă dhar kreh, yang ƀuôn lehanăn bruă răng mgang klei êđăp ênang./.

Y-Khem pô mblang