VOV4.Êđê - Hrue mbrue (29/3), Êpul khua kiă kriê bruă êdam êra gưl dlông Cộng sản Hồ Chí Minh bi tuôm hŏng hđeh hriăm hră, phung hriăm gưl prŏng kdlưn hĭn hlăm hdră đru adei nao kơ sang hră – rông anak rông mơ̆ng kđông kahan răng mgang knông lăn.

Mơ̆ng thŭn 2016 mâo hdră đru adei nao kơ sang hră mơar, grăp thŭn, bruă Đảng čar, knơ̆ng kiă kriê kahan răng mgang knông lăn mâo đru ba truh 3 êbâo čô hđeh mâo ênoh đru grăp čô hđeh jing 500 êbâo prăk/mlan tơl truh kơ hriăm jih adŭ 12, hŏng prăk mơ̆ng phung knuă druh, lĭng kahan bi mguôp. Leh dua thŭn mă bruă, kahan răng mgang knông lăn lŏ dơ̆ng tŭ jum rông ba hdeh mâo klei hdĭp dleh dlan, ba wĭt rông ba hlăm kđông pia jing anak rông kahan răng mgang knông lăn. Knuă druh kahan răng mgang knông lăn hlŏng mtô bi hriăm, kiă kriê, ƀư̆ mkra phung hđeh truh kơ jing mnuih tŭ dưn, hriăm hră mơar thâo./.

Y-Khem pô mblang