Dŭm klei čih ăt lač kơ klei đru mguôp prŏng mơ̆ng Khua gĭt gai Đảng Nguyễn Phú Trọng hlăm klei mkŏ mjing lăn čar, gang mkhư̆ klei ƀơ̆ng ngăn leh anăn hdră êlan hŏng tač êngao mbruă mđĭ kơhưm Việt Nam hlăm dlông rŏng lăn. Thông tấn xã Lào, Hră klei mrâo Vientiane, hŏng lu hră klei mrâo prŏng mơ̆ng Lao čih rup, klei čih kơ Êpul bi ala gưl dlông Đdảng, Knŭk kna Lào mâo Khua gĭt gai Đảng, Khua lăn čar Thongloun Sisoulit ngă khua êpul nao čang Khua gĭt gai Đảng Nguyễn Phú Trọng. Hlăm klei mrâo čih kơ knăm čang ênuh Khua gĭt gai Đảng Nguyễn Phú Trọng, Hră klei mrâo Khmer  mơ̆ng Campuchia (Khmer Times) bi mklă, Khua gĭt gai Đảng Nguyễn Phú Trọng mâo kleio mpŭ mơ̆ng mnuih ƀuôn sang Việt Nam leh anăn êpul êya dlông rŏng lăn kyua klei ƀuăn rơ̆ng kjăp hŏng klei đĭ kyar mơ̆ng lăn čar leh anăn bruă klam prŏng hlăm klei gĭr mđĭ klei bi hgŭm lu ala čar.

Sputnik Russia ăt mâo klei čih, mñă klă, “Khua gĭt gai Đảng Nguyễn Phú Trọng dưm leh tur kjăp kơ klei bi hgŭm Việt- Russia. “Mơ̆ng Cuba, klei hdơr knha mơĭt kơ Khua gĭt gai Đảng Nguyễn Phú Trọng”, jing akŏ klei čih hlăm hră klei mrâo Granma của Cuba. Klei čih lač kơ klei đru mguôp prŏng prĭn mơ̆ng Khua gĭt gai Đảng Nguyễn Phú Trọng kơ klei đĭ kyar lăn čar leh anăn mnuih ƀuôn sang Việt Nam, ăt msĕ mơh “klei bi hgŭm, ayŏng ađei” ƀrư̆ kjăp ktang plah wah mnuih ƀuôn sang, đảng Cộng sản leh anăn Knŭk kna 2 ala čar. Knơ̆ng bruă klei mrâo Reuters mơ̆ng Ăngle ăt mâo klei hâo hưn kơ knăm čang ênuh Khua gĭt gai Đảng Nguyễn Phú Trọng, hŏng klei hgŭm mơ̆ng lu êpul hŏng tač êngao, bi ala kơ dŭm êpul bruă leh anăn ƀĭng găp tar rŏng lăn.