Êlâo kơ mjưh ruê̆, Bruă kƀĭn ala bi mklă 4 Hdră mtrŭn yuôm bhăn, hlăm anăn mâo Hdră mtrŭn kơ klei êmuh leh anăn wĭt lač klei êmuh leh anăn Hdră mtrŭn klei bi kƀĭn tal 6, Bruă kƀĭn ala gưl 15. Hlăm tlam mbruê, bi trông hlăm anôk bi kƀĭn kơ hră čih Hdră bhiăn bruă duh mkra lĭng kahan, klei êđăp ênang leh anăn mđĭ ai bruă tuh tia mkra mjing, phung bi ala mtă: mkŏ mjing leh anăn mđĭ kyar bruă duh mkra lĭng kahan hlue hdră: čŏng ngă, mrâo mrang, bi hgŭm kjăp hŏng bruă duh mkra hlăm klei hdĭp mnuih ƀuôn sang, jing mta phŭn hlăm bruă duh mkra ala čar.

Ăt hlăm tlam mbruê, Bruă kƀĭn ala bi mklă Hdră mtrŭn lông ngă dŭm klei bhiăn, hdră êlan mdê hjăn kơ klei bi liê mkŏ mjing hdră bruă êlan klông leh anăn Hdră bhiăn hgŭm răng mgang klei êđăp ênang ti anôk bruă nah gŭ./.